Qeveria e Republikës po e mban mbledhjen e radhës.
Kreu i ekzekutivit Albin Kurti ka filluar këtë mbledhje në kujtim të veprimtarit Adem Demaçi. “Liria dhe jeta ishin një dhe liri deri në vdekje, ky ishte Baca Adem”, tha Kurti.
Kryeministri ka kujtuar edhe heroin Enver Zymberin, policin e Njësisë Speciale të Kosovës, në përvjetorin e 12 të vrasjes së tij në veri nga kriminelët serbë.
“12 vite me parë ai u vra nga strukturat kriminale të Serbisë, gjatë një aksioni që po zhvillonte Policia e Kosovës, në veriun e vendit tonë. Enver Zymberi do të mbetet simbol i përjetshëm i sovranitetit dhe ligjshmërisë në Republikën e Kosovës”, tha Kurti, raporton RTKlive.
I pari i qeverisë, bëri me dije se kampi ‘Belvedere në Mitrovicë të Jugut’, do të quhet me emrin e heroit ‘Enver Zymberi’.
Ai tha se sot, bashkë me të, përkujtojmë 22 pjesëtarët e rënë të Policisë së Kosovës, në situata të ndryshme, sakrifica e të cilëve u bë njësoj shembull i brezave të rinj e gjeneratave të reja të Policisë së Kosovës, të cilat sa vijnë e shtohen.
