Forcat e policisë po japin udhëzime për qytetarët se si të arratisen nga zona. Qeveria është në gatishmëri dhe kambanat e kishës bien gjatë gjithë kohës që edhe banorët e fundit të kuptojnë se duhet të ikin.– Ftoj të gjithë banorët të largohen, neve na intereson jeta e njeriut, jo prona. 80 për qind e Nea Agialos është evakuuar – tha më herët kryebashkiaku i Volos, Achiles Beos.
Zjarri po digjet i pakontrolluar në Magnezi për të dytën ditë.
Të enjten, pak para orës 18, ka pasur shpërthime në magazinat e municioneve të regjimentit 111 luftarak. Magazina ndodhet pak kilometra larg aeroportit dhe ka tanke mbi tokë dhe nëntokë, si dhe municione.
Mediat vendase raportojnë se pak pas orës 19:00, udhëheqja e Ministrisë së Mbrojtjes ka urdhëruar largimin e tre skuadriljeve të avionëve luftarakë F-16 si masë paraprake për shkak të shpërthimeve të vazhdueshme dhe zjarrit të pakontrolluar.
Banorët e Nea Angialos dhe rajonit të Volos kanë frikë për jetën e tyre që prej ditës së djeshme, pasi zjarret po shpërthejnë në këtë zonë të Greqisë. Situata u përkeqësua edhe më shumë sot, pasi një depo municionesh ushtarake, e ndodhur në zonën e Karamba, shpërtheu pak para orës 18:00 me orën lokale.
Shpërthimet e vazhdueshme thyen xhamat e shumë ndërtesave në rrethinat e afërta dhe të largëta dhe vala goditëse që arriti në Volos detyroi shumë banorë të largoheshin nga shtëpitë e tyre në panik.
Kalimtarët, të cilët po filmonin zjarrin e ndezur pranë Nea Angialos, kanë fiksuar rastësisht edhe momentin e shpërthimit.
Në videon dramatike mund të shihni se si fillimisht dëgjohet një shpërthim i vogël, dhe më pas gjithçka filloi të dridhej dhe një kërpudha e madhe zjarri shkrepi drejt qiellit.
U urdhërua evakuimi i menjëhershëm i zonës, ndaj nënat me foshnja në krahë me varka u larguan në det të hapur për të shpëtuar jetën.
Siç raportojnë mediat, banorët e Stoupit, Velanidia, Maratos, Kritaria, Soros, Krisi Akti Panagii dhe Agios Georgii janë njoftuar të evakuojnë vendbanimet e tyre dhe të nisen drejt Volosit.
Në të njëjtën kohë, banorët e Nea Angialos u njoftuan të evakuoheshin dhe të niseshin për në Almiros.
