Shefja e Grupit Parlamentar të Lëvizjes Vetëvendosje Mimoza Kusari-Lila, ka kërkuar që të zbardhen të gjitha faktet sa i përket çështjes së Klan Kosova dhe pezullimit të licencës. Ajo ka kërkuar nga pronari i Klan Kosovës të dalë me sqarime në lidhje me këtë çështje.
Në një konferencë për medie ajo tha se ky medium nuk i ka plotësuar të gjithë dokumentet e nevojshme dhe se sipas saj Kosova vazhdon të paraqitet si pjesë e Serbisë.
“Për gazetari të mirëfilltë do të duhej të ishte edhe deklarata e pronarit të Klan Kosovës që nuk po e dëgjojmë”, deklaroi Kusari-Lila, teksa shtoi se ndonëse regjistrohet një biznes me emërtimin “Gjakovë- Serbi”, ndërsa pasqyrohet vetëm pengesa e fjalës së lirë apo pengesa për mediet.
“Krahasimet e paralelet qe po mundohet të bëhen duhet të bëhen më fakte. Askush nuk guxon të shkelë lirinë e fjalës a lirinë e medieve. Kjo dëshmohet në vlerësim ndërkombëtar për demokracinë e medieve në rajon”, ka deklaruar kryetarja e GP të LVV-së, Mimoza Kusari-Lila.
LVV-ja e kënaqur me sesionin pranveror të Kuvendit
Grupi Parlamentar i Vetëvendosjes është i kënaqur me punën e bërë në sesionin pranveror të Kuvendit. Shefja e GP, Mimoza Kusari-Lila tha se ndonëse të tjerët po thonë se sesionin nuk ishte i mirë, ata po vlerësojnë ndryshe.
Deputetët e Lëvizjres Vetëvendosje kanë përmendur një mori ligjesh të cilët janë miratuar në sesion pranveror, si ligjet që kanë të bëjnë me reformën në drejtësi, për pronën e paluajtshme, për marrëveshjet ndërkombëtare, për reformat në ekonomi, për IPA-n, për Fondin Sovran, për konfiskimin e pasurisë, për Agjencinë e Akreditimit, për pjesëmarrjen e mërgatës në zgjedhje, e AKP-së, etj.
Duke folur për Kodin Civil, deputeti Adnan Rrustemi tha se për këtë ligj është duke u punuar e po punohet intensivisht dhe në këtë drejtim, shtoi ai, nuk ka ndonjë afat a plan të domosdoshëm.
“Po e theksoj se Ligji për Kodin Civil është përgjegjësi e pushteti dhe e opozitës, jo vetëm e kësaj mazhorance”, deklaroi Rrustemi.
Ndërkaq lidhur me këtë, kryetarja e GP të LVV-së, Mimiza Kusari Lila, tha se së pari ne është dashur të bëjmë një përgatitje më të lartë, se kemi pasur deputetë që do të duhej të votonin, por që nuk ishin prezentë, pastaj jemi treguar të kujdesshëm.
Shefja e deputetëve të LVV-së, Mimoza Kusari-Lila, në konferencë për media, tha se Kuvendi gjatë sesionit pranveror ka qenë efikas, përkundër përpjekjeve të opozitës për bllokim.
“Sa i përket seancave në përgjithësi opozita nuk ka marrë pjesë në votim, që dëshiron të tregoj gjithçka tjetër përves mosinteresim. Ne e kemi pasur konfirmimin e deputetëve tonë për pjesëmarrje. Në aspektin e relevancës në shumicë projektligjet që kanë qenë janë miratuar. Opozita ka zgjedhur që Gjykatën Kushtetuese ta përdor si organ të opozitës”, tha Kusari Lila.
