Një muaj pasi u shtrua në spital për një infeksion të rëndë bakterial, Madonna falënderoi kolegët, familjen dhe miqtë e saj për mbështetjen e tyre.
Në Instagramin e saj këngëtarja e quajti dashurinë e tyre “ilaçi më i mirë” dhe theksoi se “kur ishte e vështirë, fëmijët e mi ishin vërtet aty. Unë pashë një anë të re të tyre dhe kjo do të thoshte gjithçka për mua”.
Ajo ndau foto të saj me dy nga gjashtë fëmijët e saj, Lordes Leon dhe David Banda.Këngëtarja 64-vjeçare ishte gati të niste një turne ambicioz retrospektiv për të shënuar 40 vjet në industrinë e muzikës, kur ajo zhvilloi një infeksion të rëndë bakterial .
Menaxheri i saj i dha asaj një foto Polaroid Andy Warhol të Kit Haring të veshur me një xhaketë Michael Jackson, siç shihet në postimin e saj në Instagram.
Kështu ajo e falënderoi dhe tha se e kuptoi se sa “me fat është që është gjallë dhe i ka njohur këta njerëz dhe shumë të tjerë që nuk janë më me ne”.
Ndërsa Madonna njoftoi më herët në korrik se është shumë më mirë dhe nuk dëshiron të zhgënjejë njerëzit që blenë bileta për turneun, ajo do të nisë në Londër më 14 tetor.
Burimi: The Guardian
