Sipas hulumtimit të kompanisë së lundrimit “Fred. Olsen Cruise Lines”, Herceg Novi u rendit i gjashti ndër qytetet më të mira bregdetare në botë, pas Splitit dhe përpara Amsterdamit.
Hulumtimi përfshiu 117 qytete bregdetare në mbarë botën, të cilat u renditën sipas parametrave të tillë si cilësia e atraksioneve kulturore, numri i vendeve në Listën e Trashëgimisë Botërore të UNESCO-s, popullariteti në Google dhe sasia e hashtags në rrjetet sociale.
Qëllimi i hulumtimit ishte gjetja e qyteteve që nuk janë plotësisht të izoluara dhe që kanë mjaft komoditete dhe që turistët mund të pushojnë dhe të jenë afër detit.
Në vend të parë është Reykjavik në Islandë. Më pas vjen Bruges-i belg, i cili u rendit në listë falë kanalit të tij që të çon në det, edhe pse është 11 kilometra larg bregut.
Në vendin e tretë është Napoli, një qytet italian i njohur për një numër të madh atraksionesh – nga mali Vezuv dhe Pallati Mbretëror deri te Teatri San Carlo dhe Monako.
Spliti është në vendin e pestë, i ndjekur nga Herceg Novi, Amsterdami, Cape Town, Dublini dhe Gjibraltari, njoftoi portali i Podgoricës Borba.
