Ministrja e Ministrisë së Infrastrukturës, Ndërmarrësisë dhe Tregtisë, Rozeta Hajdari ka dorëzuar padi në Gjykatën Themelore në Prishtinë ndaj gazetës Nacionale për publikimin e përgjimeve. Gjithashtu ajo ka paditur zyrtarin e MINT, Enver Hajrullahu.
“Tentimet e dështuara për të cënuar integritetin dhe dinjitetin tim, përmes disa audio-incizimeve por edhe duke i dhënë vehtes të drejtën për të shpifur, duke shantazhuar dhe shpërndarë informacione të pavërteta, do të marrin epilog në organet e drejtësisë”, ka shkruar Hajdari.
Sipas ministres, shpifjet dhe të pavërtetat s’duhet të lejohen të shndërrohen në diçka të zakonshme.
