Robin Krasniqi është shprehur i lumtur për fitoren ndaj Nadjib Mohammedit. Krasniqi në fund të fjalimit ia ka dhënë këngës bashkë me shikuesit.
“E falënderoj Zotin që jam në mesin tuaj dhe po ua jap këto emocione. U falënderoj që plot 18 vjet më keni mbështetur dhe nuk më keni lënë të dorëzohem. Premtimin e kam mbajtur, i kam sjellë krejt titujt. Edhe këtë ëndërr e kam realizuar për të boksuar në Prishtinë”, ka thënë Krasniqi.
“Nuk ishte nata ime të them të drejtën. Emocionet ishin të mëdha. Shiu më demoralizoi pak, më mori pak koncentrimin, por kaq ishte e shkruar. Por unë do t’u jap emocione tjera”, ka shtuar Krasniqi.
Ai më pas ka bërë falënderime të shumta, ndërsa ia ka dhënë edhe këngës “jem ilira, jem teuta”, ka thënë ai.
