Janë arrestuar në Gjilan dy të dyshuar për mashtrime me falsikifim parash. Policia e Kosovës verifikimin e ka bërë duke u bazuar në videot që kanë shpërndarë dy të dyshuarit në rrjetin social “Tik Tok”.
“Gjatë punës operativo – hetimore janë siguruar prova se të dyshuarit F.S. (1992), mashkull kosovar si dhe A.S. (1995), mashkull kosovar, janë marrë me veprimtari kriminale ku kanë mashtruar dhjetëra persona, kinse do t’u shesin para të falsifikuara, mirëpo në anën tjetër i kanë mashtruar këta persona duke përfituar nga ta shuma të konsiderueshme të mjeteve materiale”, thuhet në njoftimin e policisë.
Aksioni në shtëpinë e të dyshuarve është kryer në orët e hershme të mëngjesit, me ç’rast dy të dyshuarit janë arrestuar nëpërmjet procesit hetimor të iniciuar nga Sektori për Hetimin e Krimeve Ekonomike në kuadër të Drejtorisë për Hetimin e Krimeve Ekonomike dhe Korrupsionit.
“Me aktvendim të Prokurorit të lëndës nga Prokuroria Themelore në Gjilan është iniciuar rasti ’Mashtrimi’ nga neni 323 i KPRK-së dhe dy të dyshuarit e lartcekur dërgohen në mbajtje për 48 orë”, njofton tutje policia.
