Presidenti i SHBA-së, Joseph Biden ka thënë se do të vizitojë Vietnamin “së shpejti” me synimin për të “ndryshuar” marrëdhëniet me Hanoin, mes tensioneve me Kinën në rajon.
“Do të vizitoj Vietnamin së shpejti, sepse Vietnami dëshiron të ndryshojë marrëdhëniet tona dhe të bëhet partner”, tha Biden mbrëmë gjatë një fjalimi në shtetin amerikan të New Mexico.
Uashingtoni dhe Hanoi kohët e fundit kanë forcuar lidhjet tregtare dhe janë të shqetësuar për ndikimin në rritje të Kinës në rajon.
Analistët besojnë se Hanoi mund të ngurrojë të forcojë lidhjet e tij me Uashingtonin, pasi Pekini është një partner i rëndësishëm ekonomik.
