Tre persona janë vrarë dhe tre të tjerë janë plagosur të premten në një qytet në afërsi të kantonit të Tuzlës në Bosnjë dhe Hercegovinë, njoftoi Ministria e Brendshme e këtij kantoni.
I dyshuari Nermin Sulejmanoviq, 35 vjeç, është gjetur i vdekur nga forcat e policisë në zonën e qytetit verilindor të Bosnjës, Gradaçacit. Ai kreu vetëvrasje.
“Sulejmanoviq e vrau ish-bashkëshorten dhe dy burra të tjerë, babë e bir, me pistoletë. Ai e plagosi një polic, si dhe një burrë tjetër dhe një grua në lokacion të ndryshme në Gradaçac”, njoftoi Zyra e Prokurorit në Tuzla.
“Forcat e Policisë janë në terren. Hetimi do të kryhet nga prokurori në detyrë në bashkëpunim me hetuesit e Ministrisë së Punëve të Brendshme”.
Zyra e Prokurorit tha se policia e gjeti të vdekur në veturën e tij dorasin, dhe se operacioni i policisë po vazhdon.
