Qytetarët e Prishtinës po ankohen për shkak të çmimeve të larta të perimeve. Një nga perimet si spinaqi, një kilogram kushton 5 euro. E shitësit thonë se ankesat e qytetarëve janë me vend, porse shtojnë se në treg çmimet variojnë sipas cilësisë dhe produktit.
Në Tregun e Gjelbër të Prishtinës nuk ka edhe shumë konsumatorë. Ngritja e çmimeve ka bërë që qytetarët të mos blejnë shumë, përveç atyre produkteve që ata i konsiderojnë të domosdoshme.
“Me i krahasua me vitin e kaluar çmimet janë të papërballueshme. Një kilogram kumbulla kushton një euro e gjysmë, spinaqi e këto tjerat mos të flasim”, thotë një konsumator.
Disa nga konsumatorët thonë se çmimet i kërkojnë sipas të ardhurave.
Edhe shitësit thonë se me të drejtë ankohen konsumatorët.
Por, disa prej tyre fajin ua lënë reshjeve atmosferike.
Ndërkaq, sipas tregtarëve, çmimet e perimeve variojnë: Trangujt një kilogram një euro e 30 centë, domatet një euro, spinaqi një kilogram pesë euro, qepët një kilogram një euro, patatja një kilogram 80 centë, karota një kilogram një euro e 50 centë, bizelet një kilogram tri euro.
