Një zjarr në pyll ka rënë mbrëmë në zonën kodrinore të Nea Peramos, jo shumë larg Athinës, pas kabinës së pagesës në autostradën pranë Elefsinos.
Televizioni grek ERT raportoi se forcat e forta të Shërbimit Zjarrfikës kanë shuar zjarrin në vend dhe rruga për në Korinth, e cila ishte e mbyllur, është rihapur për qarkullim.
Zjarri ka rënë rreth dy orë pas mesnate dhe është përhapur me shpejtësi, duke qenë se në këtë zonë po fryjnë erëra të forta duke e shtyrë frontin e zjarrit drejt malit.
Siç njoftoi Shërbimi Zjarrfikës në orën 04:00 të mëngjesit të sotëm, në zonë ka disa banesa, por ato nuk janë të rrezikuara drejtpërdrejt nga zjarri.
Në operacionin e shuarjes së zjarrit marrin pjesë 58 zjarrfikës me 21 makina zjarrfikëse.
