Avokati Driton Muharremi ka bërë të ditur se ka ngritur padi për shpifje ndaj Valdrin Dervishajt, këshilltarit të ministres së Arsimit, Shkencës, Teknologjisë dhe Inovacionit, Arbërie Nagavci.
Muharremi, me anë të një postimi në rrjetin social Facebook, ka bërë të ditur se Dervishaj atij i ka bërë publik, dhe pse mjetet që do t’i fitojë nga rasti në fjalë do t’i dhurojë për Fondacionin për Të Drejtat e Kafshëve.
“Sot kam ushtruar padi për shpifje kundër këshilltarit të ministres se MASHT-it, Valdrin Dervishaj, si dhe kam kërkuar nga Prokuroria e Krimeve të Rënda në Prokurorinë Themelore në Prishtinë që ta intervistojë të njëjtin lidhur me deklarimet e tij publike se ai ka njohuri rreth një hetimi që Prokuroria është duke hetuar rreth dy zyrtarëve të MASHTI-t dhe se ky e din epilogun e këtij hetimi!”.
“Mjetet lidhur me dëmin publik që më ka bërë me këtë shpifje do t’i dhuroj në Fondacionin për Të Drejtat e Kafshëve!”, ka shkruar Muharremi. /Kosovatimes/
