Për shkak të rezultateve të mira në sondazhe, partia populiste e djathtë gjermane AfD po bëhet interesante për Kinën, ndaj e ka ftuar zyrtarisht si mysafire, shkruan Deutsche Welle, duke shtuar se delegacioni i AfD-së ka qenë së fundmi në Pekin dhe Shangai.
Sipas raporteve, populistët gjermanë të krahut të djathtë dhe Partia Komuniste shtetërore-kapitaliste në Kinë nuk janë aleatë të natyrshëm, por një delegacion prej tre anëtarësh i AfD-së vizitoi Kinën këtë verë – me një ftesë zyrtare.
Në fund të qershorit, kryetarja e grupit parlamentar të AfD, Alice Weidel dhe kolegët e saj, deputetët Petr Bistron dhe Peter Felzer, kaluan pothuajse një javë në Pekin dhe Shangai.
"Habeck sollte vom Verfassungsschutz überprüft werden"
DR. ALICE WEIDEL
AfD pic.twitter.com/t1k7wUECj0
— Kazim Bridges (@KazimBridges) August 9, 2023
Felzer nuk tregoi se me kë u takua saktësisht delegacioni i AfD-së në Kinë, megjithatë, sipas një raporti të Rrjetit Editorial Gjerman (RND), ka pasur edhe një takim me zëvendësministrin e Jashtëm.
Pas kthimit nga Kina, kreu i grupit parlamentar Weidel bëri të ditur se bashkëbiseduesit kinezë ishin njohur shumë mirë me punën e AfD-së.
Vetë Weidel e njeh shumë mirë Kinën: ajo jetoi atje për gjashtë vjet si bursiste DAAD, doktoroi në temën e sistemit kinez të pensioneve, përpara se të fillonte të punonte për bankën Goldman Sachs. Gjithashtu, ajo vlerëson shpirtin sipërmarrës të kinezëve sot.
Fakti që AfD kundërshton qartë kursin më kritik të politikës së jashtme gjermane ndaj Kinës është sigurisht po aq interesant për Pekinin sa suksesi i madh i kësaj partie në sondazhe – aktualisht 21 për qind e të anketuarve do të votonin për populistët e krahut të djathtë.
Për shembull, zëdhënësi i politikës së jashtme të grupit parlamentar të AfD, Petr Bistron kritikoi strategjinë e qeverisë gjermane për Kinën, e cila u prezantua në mes të korrikut. Ai e përshkroi atë si “një përpjekje për të imponuar ideologjinë e gjelbër dhe interesat gjeopolitike të SHBA-së nën maskën e një strategjie për politikën e jashtme gjermane”.
Shënimi i Kinës si rivale – përveç partnerit dhe konkurrentit – sipas Bistron, është “rezultat i kursit konfrontues të SHBA-së ndaj Kinës. Ai konfrontim dhe ndarje nuk është në interesin e Gjermanisë si vend eksportues”.
Sipas mendimit të politologut Wolfgang Schröder nga Kaseli, qëndrimet e politikës së jashtme të AfD-së janë një përpjekje për t’u dalluar nga partitë e tjera për nga përmbajtja. Gjeopolitikisht, për AfD-në, lidhjet tradicionale të Gjermanisë me SHBA – të cilat partia e sheh si një hegjemon – janë vjetëruar.
“AfD beson se Uashingtoni është më shumë pjesë e problemit sesa pjesë e zgjidhjes së sfidave me të cilat përballet Gjermania.” “AfD beson se SHBA është një aktor imperial, interesat e të cilit nuk mund të pajtohen me interesat e Gjermanisë,” tha Schröder.
Politikanët e AfD-së u distancuan nga politika e jashtme gjermane në Kinë. Felzer thotë se ata shprehën mosmiratimin e tyre për praktikën e “udhëtimit në të gjithë botën dhe përpjekjes për t’u imponuar vlerat e tyre të tjerëve” bashkëbiseduesve kinezë.
Për Shrëderin, një qëndrim i tillë nuk është befasi: “Politikanët e AfD-së e quajnë kritikën e përgjithshme ndaj të drejtave të njeriut krejtësisht të parëndësishme, krejtësisht joreale”. Ata besojnë se çdo vend ka problemet e veta dhe se ne nuk duhet të ndërhyjmë në këto çështje”.
Pas kthimit nga Kina, kryetarja e grupit parlamentar Weidel njoftoi se dëshironte të vazhdonte bisedimet me Pekinin. Fakti që AfD zgjodhi Maximilian Krach si kandidatin kryesor të AfD-së për zgjedhjet evropiane në 2024 mund të ndihmojë në këtë.
Deputeti i Parlamentit Evropian nga Saksonia, i cili radhitet në krahun e djathtë të partisë, tashmë ka tërhequr disa herë vëmendjen me deklarata tejet pro-kineze, prandaj ndoshta është i lumtur të intervistohet nga mediat kineze, si p.sh. Global Times.
