Presidentja e Kosovës, Vjosa Osmani, tha se Ulpiana është një udhëtim nëpër kohë që zbulon thesaret e fshehura të së kaluarës sonë. Osmani tha se çdo gërmim zbulon fragmente të qytetërimit tonë të lashtë.
“Nga Mbretëria e Dardanisë e deri te Perandori Justinian janë shekuj të trashëgimisë sonë të prekshme, e cila ndërlidhë të tashmen tonë me të kaluarën e largët”, ka shkruar ajo në “Facebook”.
Sipas saj zbulimet e fundit në Ulpianë (Justiniana Secunda), paraqesin evidenca të rëndësishme për historinë e Dardanisë dhe dardanëve gjatë antikitetit të vonë-mesjetës së hershme. /Kosovatimes/
