Një shpërthim i fuqishëm ndodhi në zonën e dokut përballë hotelit Forum në Kostinesti, një vendpushim rumun në Detin e Zi. Kreu i shpëtimtarëve nga Kostinesti tregoi se si dukej gjithçka.
Ai tha se “toka u dridh” dhe njerëzit ishin të frikësuar.
O mină marină a explodat lângă un dig din Costinești. O alta ar pluti pe mare (Foto & Video) UPDATE O navă militară și un elicopter vor inspecta litoralul https://t.co/Bt6mhZphG4
— Sofia Covaci (@sofia_covaci) August 14, 2023
Një burrë u plagos nga shpërthimi , i cili besohet të jetë shkaktuar nga një minë kundër anijeve ruse. Ai u ankua për humbje të dëgjimit, por nuk pranoi të shtrohej në spital.
Zona është rrethuar dhe është bërë kërkimi për një tjetër minë të mundshme.
– Është ngritur një flamur i kuq, uji është i rrezikshëm. Rrymat janë shumë të forta dhe po bëhen më të forta. Misioni i zhytësve është i vështirë. Dhe me një varkë është shumë e vështirë në këto dallgë – tha kreu i shpëtimtarëve nga Kostinesti.
Kostinesti ndodhet në komunën e Costanca në jug të Rumanisë.
Që nga fillimi i pushtimit rus të Ukrainës, marina rumune ka çaktivizuar pesë mina ruse në Detin e Zi, tha zëdhënësi.
Kohët e fundit, vëmendja e botës është përqendruar gjithnjë e më shumë në ngjarjet në Detin e Zi, veçanërisht pasi Rusia njoftoi se po tërhiqej nga Marrëveshja e grurit, si dhe se anijet që lundrojnë drejt Ukrainës janë objektiva të mundshëm .
Një nga incidentet e fundit ndodhi mëngjesin e së dielës, kur një anije patrulluese e Flotës ruse të Detit të Zi ndaloi me forcë një anije mallrash në pjesën jugperëndimore të Detit të Zi që ishte rrugës për në Ukrainë./Kosovatimes.
