Nebojsha Krstiq , ish-shefi i kabinetit të Presidentit të Serbisë, Boris Tadiq , dhe sot promotori i flaktë i politikës së Aleksandër Vuçiqit , ka ndezur pasionet në rrjetet sociale duke hedhur një sërë akuzash ndaj presidentit të entitetit Republika Srpska Milorad Dodik .
– Dodik nuk është politikan, ai është një dron rus që synon Serbinë, shkatërron aspiratat e saj evropiane dhe e lidh përgjithmonë Serbinë me Titanikun rus, me një vend që as nuk mundet dhe as nuk dëshiron të na ndihmojë.
– Zotëri, Milorad Dodik, a keni lidhje me Gorica Dodikun? Nëse po, ju tërheq vëmendjen se ky person po më kërcënon me dhunë fizike. Duke qenë se ju jeni president i RS-së, unë i marr shumë seriozisht këto kërcënime dhe do t’i raportoj në policinë e Republikës së Serbisë. Të jeni të shëndetshëm, ka thënë Krstiq në përgjigje të postimit të vajzës së Dodikut, Goricës, e cila ka shkruar:
– Duhet të përmirësojmë marrëdhëniet dhe t’i falënderojmë për faktin që çdo vit gjithnjë e më shumë njerëz sëmuren nga kanceri për shkak të uraniumit të varfëruar. Ju nuk jeni të denjë të përmendni REPUBLIKËN E SERBISË, emrin e plotë të së cilës nuk guxoni as ta shkruani sepse do të dëgjohet, po të pyesni veten, nuk do të ekzistonim as ne e as Kosova, tha Gorica Dodik .Por as Krstić nuk u ndal me kaq.
– Me robërinë e tij proruse, Dodik ia doli të vërë në dyshim ekzistencën e RS-së dhe njëkohësisht u bë gur mulliri në qafën e Serbisë, e cila po bën betejën për përmirësimin e marrëdhënieve me SHBA-në. Kështu që Dodik është në fakt një projekt rus që e pengon Serbinë të forcojë dhe mbrojë interesat e saj, vazhdoi Krstiq.
-Idioti i dobishëm i Putinit, i cili e adhuron Vuçiqin sepse nuk e mori ambasadorin e dëshiruar, gjeti një strehë të sigurt në mediat e “pavarura”, komentoi Krstiq fjalimin e analistit beogradas Dragomir Angjelkoviq, përndryshe i afërt i Milorad Dodik, i cili deklaroi se Dodik nuk mund të mbështetet më në Vuçiq.
