Të paktën 27 persona humbën jetën në një shpërthim dhe zjarr në një pikë karburanti në Dagestan, një republikë ruse në Kaukaz, njoftoi sot në mëngjes Ministria ruse e Situatave të Emergjencave.
Nga shpërthimi mbetën të plagosur 102 persona, 27 prej të cilëve vdiqën, thuhet në njoftimin e ministrisë në Telegram.
Zjarri i shtrirë në rreth 600 metra katrorë është shuar.
Hetimet për shkaqet e shpërthimit janë duke vazhduar.
