Një person 18 vjeçar është arrestuar nga Policia e Kosovës për shkak të postimit të armës së zjarrit në rrjetin social “Snapchat”.
Me rastin e postimit, Policia ka nisur hetimet dhe ka identifikuar veprën penale armëmbajtje pa leje në Kaçanik.
“Hetuesit rajonal në bashkëpunim me policët hetues të stacionit në Kaçanik i kanë marrë veprimet e menjëhershme dhe nën autorizim të prokurorit kujdestar nga Prokuroria Themelore në Ferizaj i kanë nisur hetimet, ndërsa kanë arritur që të identifikojnë personin e dyshuar V.SH (M/K) i moshës 18 vjeçar, i cili është shoqëruar në stacionin e policisë në Kaçanik dhe pas intervistimit nga policët hetues, me vendim të prokurorit është liruar për procedurë të rregullt të mëtejme hetimore, ndërsa arma (pistoletë) është konfiskuar”, njofton policia në raportin 24 orësh.
