Eshtrat e Christian Peev (41) u gjetën të grumbulluara në një tualet nga hidraulikët të cilët u thirrën për të pastruar një kanal të bllokuar.
Trupi i copëtuar i një manjati të kriptomonedhave thuhet se është gjetur në kryeqytetin e Bullgarisë, Sofje, raporton Newsweek.
Eshtrat e Christian Peev (41), i cili kishte nënshtetësi amerikane dhe bullgare, u gjetën të grumbulluara në një tualet nga hidraulikët të cilët u thirrën për të pastruar një kanal të bllokuar, raportoi britanikja The Mirror.
Peev u diplomua në një universitet amerikan dhe e ndërtoi pasurinë e tij përmes investimeve në kripto. Hetuesit besojnë se ai është vrarë mes 8 dhe 9 gushtit dhe se vrasësi është Vesco Valchinov, të cilin e ka takuar gjashtë vjet më parë.
Mediat lokale raportuan se vrasësi vrau viktimën e tij me një trap dhe preu trupin në banjë përpara se të hidhte disa nga pjesët në tualet.
Hetuesit gjetën skenën e krimit pasi kontrolluan dy telefona që i përkisnin Peev, vëllai i të cilit e kishte raportuar të zhdukur më 10 gusht. Ditën kur u zhduk, ai ishte në kontakt me Valchinov. Pamjet e kamerave të vëzhgimit dyshohet se tregojnë Peev dhe Valchinov duke hyrë në ndërtesën e banesës së vrasësit të dyshuar më 8 gusht dhe Valchinov duke u larguar vetëm nga ndërtesa të nesërmen.
Një tjetër burrë u arrestua, Konstantin Subotinov, i cili thuhet se i tha policisë se e ndihmoi vrasësin të fshihte pjesët e trupit të viktimës duke i çuar ato në lagjen Vitosha të Sofjes, ku u arrestua Valchinov. Mediat bullgare raportuan se Peev po e ndihmonte Valçinovin me kripto-investimet, duke sugjeruar se vrasja ishte e motivuar nga paratë.
Peev është kripto-milioneri i dytë që gjendet i vdekur brenda një muaji. Pjesët e trupit të Fernando Pérez Algaba u gjetën në një arkivol të kuq të hedhur në Ingeniero Budge në Buenos Aires më 23 korrik, pasi ai u zhduk pesë ditë më parë.
Algaba theksoi një mënyrë jetese ekstravagante të financuar nga investimet në kripto në profilin e tij në Instagram. Arkivoli që u zbulua përmbante këmbët dhe një parakrah të Algabës. Mediat argjentinase raportuan se pjesë të trupit u amputuan, duke sugjeruar se ishte punë e një profesionisti. Një autopsi tregoi se viktima ishte qëlluar tre herë përpara se të copëtohej./kosovatimes/
