Prezantuesi legjendar Michael Parkinson ka vdekur në moshën 88-vjeçare.
Ai ishte një nga prezantuesit më të famshëm në histori, karriera televizive e të cilit zgjati shtatë dekada. Ai u bë i njohur jo vetëm në Britani, por në mbarë botën për intervistat që bënte me figura të rëndësishme të estradës.
Muhammad Ali, Orson Welles, John Lennon, Elton John, Madonna… janë vetëm disa nga emrat e mëdhenj të intervistuar nga prezantuesi i ndjerë.
“Pas një sëmundjeje të shkurtër, Sir Michael Parkinson ndërroi jetë i qetë në shtëpi mbrëmë i rrethuar nga familja e tij”, tha familja në një deklaratë, e cila kërkonte privatësi.
