Ish-zëdhënësi i KFOR-it, Vicenco Grasso, ka thënë se dorëheqja e tre serbëve nga pozitat e pjesëtarëve të Policisë së Kosovës nuk është befasi, pasi siç ka thënë ai, Beogradi gjithmonë ka sabotuar çdo iniciativë për integrimin e serbëve përmes Listës Serbe.
“Nuk është çudi! Përmes Listës Serbe, Beogradi gjithmonë ka sabotuar çdo iniciativë që çon në integrimin e serbëve për zhvillimin e një shoqërie paqësore shumëkombëshe në Kosovë. “Ata e kanë bërë gjithmonë dhe ne e kemi toleruar gjithmonë pa e kundërshtuar fuqishëm këtë lloj sjelljeje”, tha Grasso.
Deklarata e tij erdhi si reagim ndaj postimit të shefit të EULEX-it, Giovanni Barban në Twitter, i cili tha se misioni që ai drejton po monitoron nga afër ngjarjet e fundit me dorëheqjet e serbëve nga policia e Kosovës, të cilat ai i quajti shqetësuese.
