Malisheva ka shënuar fitore ndaj Fushë Kosovës, me rezultat 6-1, në kuadër të xhiros së dytë në Superligën e Kosovës.
Golin e parë në ndeshje e realizoi Altin Aliu për vendasit. Rezultatin e barazoi dy minuta më vonë Urim Statovci. Me këtë rezultat u mbyll pjesa e parë.
Në pjesën e dytë, Hazrollaj e kaloi sërish në epërsi Malishevën, me një gol në minutën e 60’.
I njëjti lojtar realizoi edhe një herë tjetër në minutën e 67’. Ndërkohë Altin Aliu shënoi golin e katërt.
Për golin e pestë u kujdesë Ilir Mustafa. Ndërsa golin final të ndeshjes e realizoi Hazrollaj, i cili kompletoi hat-trickun.
Malisheva pas dy ndeshjeve renditet në vendin e parë me gjashtë pikë.
