Të paktën 18 pasagjerë u dogjën dhe 14 të tjerë u plagosën kur një autobus pasagjerësh mori flakë pasi u përplas me një furgon në provincën verilindore të Pakistanit Punjab të dielën në mëngjes, tha policia.
Aksidenti ndodhi pranë rrethit Hafizabad, rreth 125 kilometra nga kryeqyteti i provincës Lahore.
Shefi i policisë së qarkut Fahad Ahmad u tha gazetarëve se trupat e djegur të të paktën 18 pasagjerëve u nxorrën nga autobusi, ndërsa të plagosurit, katër prej të cilëve ishin në gjendje kritike, u dërguan në spital, raporton Anadolia.
Autobusi transportonte midis 40 dhe 50 pasagjerë nga qyteti port i Karaçit për në kryeqytetin Islamabad.
– Në aksident humbën jetën edhe drejtuesit e të dy veturave – shtoi Ahmedi.
Pamjet e transmetuara nga transmetuesi lokal Geo News tregojnë një autobus tërësisht të djegur në mes të rrugës.
Aksidentet rrugore janë të zakonshme në Pakistan, kryesisht për shkak të standardeve të dobëta të sigurisë dhe infrastrukturës joadekuate.
