Paqeruajtësit e KFOR-it dhe Forca e Sigurisë dhe Kosovës do të vazhdojnë bashkëpunimin në kuadër të mandateve që kanë, në shërbim të sigurisë së gjithë qytetarëve të Republikës së Kosovës. Kështu u tha gjatë një takimi që ministri i Mbrojtjes, Ejup Maqedonci zhvilloi me komandantin e KFOR-it, gjeneralmajor Angelo Michele Ristuccia.
Ky i fundit fillimisht e uroi ministrit Maqedonci në krye të Ministrisë së Mbrojtjes, derisa siguria në vend ishte teme boshte e takimit.
Nga ana e tij, ministri Maqedonci shprehu falënderimin për vizitën e tij si dhe mirënjohjen për kontributin e KFOR-it, në shërbim të sigurisë së vendit, por edhe në sigurinë rajonale. Gjithashtu, ministri Maqedonci e njoftoi gjeneralin Ristuccia, lidhur me proceset aktuale si dhe për objektivat e FSK-së për integrim euroatlantik.
