Është emëruar komiteti për përzgjedhjen e filmit të Kosovës për edicionin e 96-të të festivalit më prestigjioz në botë të filmit, Oscars.
Lajmin e ka bërë të ditur Qendra Kinematografike e Kosovës në Facebook.
Komiteti i emëruar përbëhet nga: Veton Nurkollari, Kaltrina Krasniqi, Sevdije Kastrati, Doruntina Basha, Fatmir Spahiu, Kushtrim Hoxha dhe Yllka Brada.
QKK-ja kishte hapur thirrjen në muajin korrik të këtij viti për propozime të filmave në kategorinë “film ndërkombëtar-gjuhë e huaj”, i cili mund ta përfaqësojë Kosovën këtë vit në Oscars.
“Komiteti selektues i lartcekur do të bëjë përzgjedhjen e filmit që do të dërgohet si propozim i cili mund ta përfaqësojë Kosovën në Akademinë Oscars”, thuhet në njoftimin e QKK-së.
Ceremonia e 96-të e Oscars do të mbahet me 10 mars në 2024.
