Tre shtetas britanikë kanë raportuar në Polici se persona të panjohur ka shtënë me armë drejt tyre në Prishtinë.
Njëri prej tyre ka pësuar lëndime, teksa Policia ka arrestuar një të dyshuar për rastin.
“Tre viktimat meshkuj me shtetësi britanike, kanë raportuar se persona të panjohur, nga një veturë në lëvizje kanë shtënë me armë zjarri në drejtim të tyre dhe si pasojë njëri prej tyre ka pësuar lëndime të lehta trupore”, ka njoftuar PK në raportin ditor.
Në vendin e ngjarjes janë gjetur tri gëzoja të pistoletës.
Tutje, në raport thuhet se lidhur me rastin është intervistuar një i dyshuar dhe nga ai është konfiskuar një pistoletë.
Me vendim të prokurorit i dyshuari është liruar dhe rasti shkon në procedurë të rregullt.
