Stacioni i policisë në Kaçanik ka pranuar një informacion se një person në rrjetin social ‘’TikTok’’, ditë më parë kishte shpërndarë një video, ku shihej duke e përdorur një armë.
Pas pranimit të videos, policët hetues i kanë marrë veprimet e menjëhershme dhe nën autorizim të prokurorit kujdestar nga Prokuroria Themelore në Ferizaj i kanë nisur hetimet.
Policisë ka njoftuar se dje rreth orës 23:00 ka arritur të identifikojë personin e dyshuar F.M i moshës 29 vjeçare.
Tutje u bë e ditur sei dyshuari është shoqëruar në stacionin e policisë në Kaçanik dhe pas intervistimit nga policët hetues, me vendim të prokurorit është liruar për procedurë të rregullt të mëtejme hetimore, ndërsa arma është konfiskuar.
Rasti është cilësuar si ‘’ Mbajtja në pronësi, kontroll ose posedim i pa autorizuar i armëve – përdorimi armës ‘’.
