Një nga supermodelet më të famshme në botë, Claudia Schiffer, ka festuar së fundmi ditëlindjen e saj të 53-të dhe për këtë rast ka vendosur të shfaqë një foto dhe video me bikini.
Ish-modelja aktualisht ndodhet në Greqi dhe në Instagramin e saj ka postuar disa foto dhe në video ka shfaqur një të ftuar të papritur që ka mbërritur në festën e ditëlindjes së saj.
“Duke festuar në një parajsë greke, me një mike të veçantë që erdhi për të më uruar ditëlindjen”, ka shkruar ajo bashkë me një video në të cilën tregonte një flutur që i zbriste në dorë.
Postimi i saj është pëlqyer nga më shumë se 90 mijë persona dhe përveçse i kanë uruar ditëlindjen, shumë e kanë vlerësuar në komente pamjen e saj.
“Pra, kështu duket tani? Wow”, “Dukesh bukur” dhe “Beautiful Goddess”, janë vetëm disa nga komentet.
Meqë ra fjala, ish-modelja dikur tha se e pranon me kënaqësi moshën e saj.
“Mendoj se vitet e pjekurisë duhen festuar dhe respektuar. Nuk përpiqem të dukem apo të ndihem më i ri se sa jam. Më pëlqen momenti i tanishëm”, ka thënë bukuroshja Claudia.
