Me kërkesë të krijuesve të këngëve, grupi drejtues i Festivalit të Këngës në Radio Televizionin e Kosovës ka shtyrë afatin e pranimit të këngëve konkurruese deri më datën 9 shtator në orën 23:59.
Kujtojmë se tri netët live të Festivalit të Këngës në RTK do të zhvillohen në datat 26, 27 e 28 tetor 2023.
Edicioni i parë i “Fest 2023” realizohet në Prishtinë, në Sallën e Madhe të Pallatit të Rinisë dhe transmetohet live në Radio Kosovë dhe në Televizionin e Kosovës.
Ftohen krijuesit e muzikës së lehtë të të gjitha zhanreve dhe këngëtarë e grupe, që të konkurrojnë në edicionin e parë të Festivalit të Këngës të Radiotelevizionit të Kosovës.
Konkursi është hapur deri më 09:00 shtator në orën 23:59.
Këngët dërgohen në formë digjitale në adresën zyrtare të Festivalit në www.rtklive.com/festivali
Këngët që dërgohen për konkurrim duhet të jenë në variantin final si produksion muzikor dhe në format wav. 24 bit/44.1khz
Këngët të cilat kualifikohen për të vazhduar konkurrimin live në tre netët e Festivalit do t`u nënshtrohen kërkesave specifike teknike.
Ndryshe, drejtori i artistik i ‘Festivalit të Këngës në RTK’, Florent Boshnjaku, ka thënë se pas një kohe dhe pritjes së gjatë ky festival po organizohet nga RTK. Ai tha se nga puna që ka parë, nga fillimi shihet se ka një entuziazëm për organizimin e këtij festivali, derisa ka bërë me dije, se për netët e festivalit do të përzgjidhen 20 këngë nga juria e RTK-së.
