Policia e Kosovës ka njoftuar për identifikimin e tre të dyshuarve për vënien e zjarrit në Muzeun e Muzikës në Gjakovë.
“Më datë 31.08.2023, pas një pune intensive hetuesit policorë kanë arritur të identifikojnë tre persona të moshës së mitur, të dyshuar si kryes të mundshëm të veprës”, ka njoftuar policia.
Tutje në njoftimin e tyre thuhet se të dyshuarit janë intervistuar dhe pas konsultimit me prokurorin e rastit, të njëjtit janë liruar në procedurë të rregullt.
Për shkak të peshës së veprës dhe ndjeshmërisë, rasti ka kaluar për hetim në Sektorin e Krimeve të Rënda pranë kësaj drejtorie.
