Policia e Kosovës ka njoftuar për një gjobë ndaj një vozitësi për tejkalim të shpejtësisë në Ferizaj. Ndaj tij, policia shqiptoi gjobë monetare prej 300 euro, 3 pikë negative dhe gjashtë muaj masë mbrojtëse, heqje e patentë shoferit.
“Policia Rajonale e Komunikacionit Rrugor në Ferizaj, dje rreth orës 18:51 në rrugën lokole “Brahim Ademi” në Ferizaj ka ndaluar shoferin SH.H (M/K) i moshës 36 vjeçar, i cili me veturë ka bërë tejkalimin e shpejtësisë, ku në zonën e kufizimit 50 km/h ka zhvilluar shpejtësi 100 km/h”, thuhet në njoftimin e Policisë.
Me këtë rast, Policia Rajonale në Ferizaj apelon tek shoferët e automjeteve që të respektojnë shpejtësinë dhe shenjat e komunikacionit.
