Presidentët e Rusisë dhe Turqisë, Vladimir Putin dhe Rexhep Tajip Erdogan, do të takohen nesër në Soçi dhe përveç çështjeve dypalëshe, temë kryesore e diskutimit do të jetë marrëveshja për eksportin e drithit nga portet e Detit të Zi.
Ankaraja ka intensifikuar përpjekjet e saj në javët e fundit për të rivendosur korridorin e grurit për të ndihmuar në lehtësimin e krizës globale të ushqimit.
“Ne luajmë një rol kryesor këtu. Ne shohim mbështetje të fortë nga e gjithë bota për zbatimin e korridorit të grurit”, tha këshilltari i Erdoganit për politikën e jashtme, Akif Çagatay Kilic.Siç tha ai, Ankaraja pranoi ndërlikimet teknike që lidhen me marrëveshjen, veçanërisht në lidhje me grurin dhe mekanizmat e pagesave ruse.
“Ne jemi të rezervuar, por shpresojmë të arrijmë sukses sepse kjo situatë prek të gjithë botën,” tha Kiliç.
Rusia dhe Ukraina janë eksportuesit kryesorë të grurit.
Putin i tha Erdoganit në një bisedë telefonike më 2 gusht se Moska është e gatshme të kthehet në marrëveshjen e drithit të Detit të Zi sapo Perëndimi të përmbushë detyrimet e tij në lidhje me eksportet ruse të grurit.
