Policia gjermane po kërkon intensivisht një burrë (40) i cili “flet rusisht” dhe që hodhi një djalë 10-vjeçar ukrainas nga një urë “sepse fliste ukrainisht”.
Sipas raportit të policisë të raportuar nga portali Frankfurt Fenix-magazine, djali që u sulmua ishte duke luajtur me disa fëmijë të tjerë ukrainas në urën mbi Muhlenkanal në Einbeck në Saksoninë e Jugut të shtunën. Një burrë rreth të 40-tave iu afrua atyre dhe u foli në rusisht.
Ai i kundërshtoi ata që flisnin ukrainisht dhe akuzoi vendin e tyre për shkaktimin e luftës, pretendojnë fëmijët.
Sipas informacioneve të pakonfirmuara, i panjohuri fillimisht “ka tërhequr për flokë një vajzë” dhe më pas “ka kapur një djalë 10-vjeçar dhe e ka hedhur mbi gardhin e urës në kanal”.“Djali goditi mbështetëset metalike nën parmakët e urës, duke pësuar lëndime në kokë dhe këmbën e majtë”, tha zëvendësprokurori, duke shtuar se djali u dërgua në spital nga ku më pas u lirua.
Sulmuesi është larguar me vrap dhe prindërit kanë denoncuar sulmin te prindërit e tyre, të cilët kanë lajmëruar menjëherë policinë.
Policia gjermane ka lëshuar një urdhër për gjetjen e të dyshuarit dhe Prokuroria e Shtetit në Göttingen ka hapur një hetim “për tentativë vrasjeje nga pakujdesia”. Avokati i shtetit e vlerësoi sulmin si të motivuar politikisht.
