Pritja e pakufizuar se gabimet historike duhet të korrigjohen para se të mund të pasojë paqja, siguria dhe prosperiteti vetëm e zgjat konfliktin që tashmë i ka kushtuar shumë shoqërive në Serbi dhe Kosovë, tha ish-i dërguari i SHBA-së për dialogun ndërmjet Kosovës dhe Serbisë, Richard Grenell. me rastin e trevjetorit të nënshkrimit të marrëveshjes së Uashingtonit.
Siç raporton Radio serbe Chicago, Grenell ka thënë se marrëdhëniet ndërmjet Serbisë dhe Kosovës kanë pësuar për shkak të largimit të presidentit amerikan, Joseph Biden nga lidershipi diplomatik, politik dhe ekonomik.
Grenell vlerësoi se për hir të rinisë në Serbi dhe Kosovë duhet të refuzohen marifetet politike, fitoret simbolike dhe hesapet dhe të punohet në krijimin e një të ardhmeje të përbashkët ekonomike.Ai vlerësoi se është naive të llogaritet në zgjerimin e biznesit të huaj në një rajon ku siguria e njerëzve dhe e pronës garantohet nga prania e trupave të NATO-s.
Grenell theksoi se në dy vjet e gjysmë është rritur dhuna dhe varësia nga trupat e NATO-s dhe se perspektivat ekonomike janë dobësuar, veçanërisht në Kosovë.
Ai tha se vendimi i presidentit të SHBA-së Joseph Biden për t’ia dorëzuar angazhimin diplomatik dhe ekonomik të SHBA-së në rajon ndaj “paralizës analitike” të Bashkimit Evropian i bëri gjërat edhe më keq.
