Emisari i Bashkimit Evropian për dialogun Kosovë-Serbi, Miroslav Lajçak, e ka pritur sot në takim komandantin e KFOR-it, Angelo Michele Ristuccia.
Ata kanë shkëmbyer shënime mbi zhvillimet në terren dhe kanë ndarë vlerësimet e tyre mbi burimet e mundshme të tensioneve të ardhshme.
“Mirëprita komandantin e KFOR-it Ristuccia sot në Bruksel. Është e rëndësishme të shkëmbejmë shënime mbi zhvillimet në terren dhe të ndajmë vlerësimet tona mbi burimet e mundshme të tensioneve të ardhshme. Mirënjohës për punën jetike të KFOR-it në ndërtimin e një mjedisi të sigurt në Kosovë”, ka shkruar Lajçak në Twitter.
