Gjykata amerikane dënoi sot me nëntë vjet burg një biznesmen rus, i cili u shpall fajtor për hakerim dhe mashtrim nëpërmjet të cilit realizoi fitime të paligjshme prej dhjetëra milionë dollarësh në bursat në SHBA.
Vladislav Klyushin, 42 vjeç, u arrestua në Zvicër në mars 2021, dhe në dhjetor të po atij viti, Bern pranoi ta ekstradonte atë në Amerikë për t’u përballur me gjyqin atje.
Në shkurt, një gjykatë federale në shtetin amerikan të Masaçusets e shpalli atë fajtor për hakerim dhe mashtrim të aksioneve dhe financiare. Sot në Boston e njëjta gjykatë e dënoi me nëntë vite burg.
Sipas mediave opozitare ruse nga viti 2021, ai është i afërt me një zyrtar të lartë të Kremlinit. Sipas gjykatës amerikane, me ndihmën e katër bashkëpunëtorëve të cilët gjithashtu u dënuan por në mungesë, ai ka marrë me haker dokumente të brendshme të kompanive amerikane të listuara në bursë.
Klyushin dhe bashkëpunëtorët e tij përdorën ato dokumente për të kryer manipulime në bursë, duke parashikuar reagimin e tregut kur u publikuan.
Në total, falë më shumë se 500 rezultateve të mbledhura midis viteve 2018 dhe 2020, hakerët bënë pothuajse 100 milionë dollarë fitime të paligjshme, një e treta e të cilave u mor nga vetë Klyushkin, sipas Ministrisë së Drejtësisë.
Emri i tij u përmend në media si një person i mundshëm për shkëmbimin e të burgosurve mes Moskës dhe Uashingtonit. Ndër të tjera, Rusia mban në burg ish-ushtarin amerikan dhe shkencëtarin kompjuterik Paul Whelan, i cili u dënua me burg në vitin 2020 për spiunazh.
