Një makinë me personel ushtarak rus dhe oficerë të Shërbimit Federal të Sigurisë (FSB) u hodh në erë në qytetin e okupuar përkohësisht të Oleshki në rajonin Kherson, raportoi sot Ukrinform, duke cituar një burim në Shërbimin e Sigurisë Shtetërore të Ukrainës (SBU).
“Një makinë me oficerë të FSB-së ruse dhe personel ushtarak u hodh në erë në Oleshka, rajoni Kherson. Si rezultat i shpërthimit, një oficer i FSB-së u vra menjëherë. Tjetri ndodhet ende në terapi intensive në gjendje të rëndë. “Tre ushtarë që po i shoqëronin në makinë u plagosën”, tha agjencia ukrainase.
“SBU qëndron pas shpërthimit”, konfirmuan burimet.
Zyrtari i SBU paralajmëroi se një fat i ngjashëm do të ketë çdo pushtues që shkel në tokën ukrainase.
