Ditën e sotme ka pasur të shtëna me armë zjarri në lagjen Artemis në Athinë ku mbetën të vrarë gjashtë persona dhe sipas mediave greke bëhet fjalë për një përballje mafioze.
Aktualisht në Aretmida është një gjendje rrethimi. Policia siguron vendin e të shtënave, ndërsa afrimet e shumta janë bllokuar.
Siç raportojnë mediat lokale, pesë persona kanë humbur jetën në një makinë në kryqëzimin e rrugëve Arionos dhe Akropoleos, ndërsa trupi i një burri është gjetur pranë një automjeti me targa gjermane.
Βίντεο από το σημείο της δολοφονικής επίθεσης στη #Λούτσα – Οι πρώτες πληροφορίες κάνουν λόγο για έξι νεκρούς. pic.twitter.com/HFPgtskgHx
— Kathimerini_Web (@KathimeriniWeb) September 11, 2023
Alarmi është ngritur, ndërsa në terren ndodhen forca të forta policie të cilët kanë mbërritur në thirrje rreth orës 17:40 me orën lokale.
Një hetim është duke u zhvilluar. Ekipet e shpëtimit dhe një ambulancë ndodhen në vendngjarje.
