Kryetari i AAK-së, Ramush Haradinaj, ka bërë homazhe te pllaka përkujtimore “Kosova kujton” në 22-vjetorin e sulmeve terroriste në ShBA.
Kreu i AAK-së, Ramuish Haradinaj tha se populli i Kosovës vazhdon e do të vazhdojë të solidarizohet me popullin amerikane në përvjetorin e sulmeve terroriste.
“Populli i Kosovës, të zgjedhur dhe institucionet e Kosovës dhe shqiptarët kudo që jemi bashkëndjejmë me popullin amerikan, jo vetëm në këtë ditë të përvjetorit të sulmeve terroriste në tokën amerikane në një tokë që e mbrojti lirinë tonë e demokracinë në krejt botën”, theksoi ai.
Ai tha se bashku me kolegë, sikurse të gjitha institucionet e Kosovës, do të qëndrojnë përjetësisht me Shtetet e Bashkuara të Amerikës. /Kosovatimes/
