Kryetari i Prishtinës, Përparim Rama, ka pritur në takim ministrin e Turizmit të Shtetit të Izraelit, Haim Katz.
Rama me Katz bisedoi për format e avancimit të bashkëpunimit, në veçanti në fushën e turizmit si dhe mundësitë e shpeshtimit të vizitave reciproke.
Kryetari Rama bashkë me ministrin Katz po ashtu bënë një shëtitje nëpër Prishtinë.
“Me z. Katz bëmë një shëtitje nëpër Kryeqytet duke i prezantuar vendin, kulturën e historinë tonë, të cilat i bënë shumë përshtypje mikut tonë nga Izraeli”, deklaroi Rama.
Ministri i Turizmit të Shtetit të Izraelit u impresionua me energjinë e vendit tonë dhe theksoi se ka dëshirë që të vijë prapë në Prishtinë, thuhet në komunikatën për media e Komunës së Prishtinës. /Kosovatimes/
