Pas një përvoje të suksesshme në Bashkimin Evropian, OneFor ka lansuar aplikacionin më inovativ të ofrimit të shërbimeve financiare digjitale në vend duke sjellë një përvojë të re në menaxhimin e financave
Kosova është destinacioni i radhës që OneFor e futi në hartën e shteteve krahas atyre të Bashkimit Evropian, për të ofruar aplikacionin më të avancuar për shërbime financiare digjitale.
Aplikacioni OneFor shërben si një platformë financiare që adreson nevojat e përgjithshme të qytetarëve dhe ofron zgjidhje për pagesa të menjëhershme dhe transfere të parave në kohë reale dhe ekonomike.
OneFor është licencuar nga Banka Qendrore e Kosovës si Institucion Financiar Jo-Bankar (IFJB) me iniciativë të kompanisë amë OneFor Holding GmbH, me seli në Düsseldorf.
Krijimi i një llogarie në aplikacionin OneFor është e lehtë dhe zgjat vetëm disa minuta. Menjëherë përdoruesit pajisen me një eWallet (kuletën digjitale) dhe Mastercard, që mundëson pagesa të ndryshme brenda dhe jashtë vendit. Një përparësi e veçantë është shpejtësia e transferit brenda aplikacionit OneFor, që bëhen në vetëm 0.2 sekonda. Mundësia për personalizimin e transfereve përmes chat-it dhe ndarjes së fotove i jep dimension tjetër aplikacionit. Ndërsa, llogaria IBAN e standardit të Bashkësisë Evropiane e krijuar automatikisht lejon pranimin dhe dërgimin e transfereve SEPA nga çdo llogari IBAN tjetër në BE.
Krijimi dhe mirëmbajtja e llogarisë janë pa tarifë, duke përfshirë edhe e-Wallet, kartelën virtuale Mastercard dhe transferet kombëtare brenda aplikacionit. Ndërkohë, tarifat për transferet ndërkombëtare janë fikse, pavarësisht vlerës së transaksionit. Kjo e bën aplikacionin akoma më tërheqës dhe një zgjidhje të përshtatshme për shërbimin e ndërlidhjes së familjeve, përfshirë edhe ata në diasporë.
“Sot, në Kosovë, mbi 40% e popullatës nuk kanë qasje në sistemin financiar. Ne jemi të përkushtuar për të promovuar përfshirjen duke e konsideruar atë si një të drejtë themelore për të gjithë. Prandaj, shërbimet tona financiare janë projektuar për të qenë përgjithësisht të arritshme, të lehta për përdorim dhe pa kufizime gjeografike për të gjithë qytetarët,” tha Yll Dushi, Drejtor i Përgjithshëm i OneFor Kosova.
Një aspekt tjetër kyç i shërbimeve të aplikacionit OneFor është mundësia për prindërit të krijojnë llogari për fëmijët e tyre deri në moshën 18 vjeç, të cilat menaxhohen nga prindërit. Rrjedhimisht fëmijët pajisën me eWallet dhe Mastercard personale. Kjo lejon edukimin dhe zhvillimin e aftësive për menaxhimin e financave që në moshë të hershme në anën tjetër i jep pavarësi financiare të rinjve.
“Ne besojmë fort se OneFor do të sjellë një përvojë të re dhe të përmirësuar në qasjen dhe menaxhimin e transaksioneve financiare. Prandaj, për të nxitur më tej përdorimin e teknologjisë, lansimi i aplikacionit OneFor është një hap i rëndësishëm drejt praktikave financiare digjitale, një pikë kulmore e rëndësishme për Kosovën në rrugën e saj drejt zhvillimit teknologjik dhe ekonomik. Ne jemi të bindur që Kosova ka potencialin për të pozicionuar veten në nivel rajonal si një qendër e përparimit teknologjik, dhe kështu, heqja e barrierave në shërbimet financiare është thelbësore për arritjen e këtij qëllimi,” deklaroi Ilir Aliu, Drejtor Menaxhues i OneFor Holding.
Më shumë për OneFor:
OneFor Holding GmbH, me bazë në Düsseldorf, Gjermani, është kompania amë e OneFor Kosovës, misioni i së cilës është që të sjell inovacion dhe shërbime financiare moderne për qytetarët e Kosovës. OneFor është një platformë financiare digjitale që lidh përdoruesit me mënyra të përshtatshme, të thjeshta dhe të sigurta të pagesave. OneFor është aktive në Bashkimin Evropian që nga viti 2021. /Kosovatimes/
