Këtë fundjavë, në datën 17 shtator, me fillim nga ora 10:00, hapësira e shkollës “Fadil Hisari” do të jetë vendi i xhiros së dhjetë dhe të njëmbëdhjetë të Superligës së Kosovës në kategorinë e meshkujve.
Java e pestë e Superligës pritet të sjellë emocione të ndryshme nga shumë ndeshje. Derbi i fundjavës padyshim do të jetë derbi i kryeqytetit “ Prishtina” kundër “ Priping,” ndërsa “ Prishtina” nuk do ta ketë lehtë as kundër kampionit në fuqi “ Lidhja e Prizrenit” në xhiron 11.
Ndeshja tjetër mjaft interesante pritet të jetë ajo mes dy klubeve nga qyteti i Prizrenit, “ Liria” dhe “ Lidhja e Prizrenit.”
Në anën tjetër, në shkollën “ Tefik Çanga” në Ferizaj, me fillim nga ora 10:00 do të zhvillohen xhirot 10 dhe 11 të Superligës së Kosovës në kategorinë e femrave.
“Drita F” dhe “ Lidhja e Prizrenit” pritet të jenë pjesë e një ndeshje derbi, ndërsa nga dy klubet nga Ferizaj, “ Ahmet Hoxha F” dhe “ Ahmet Hoxha MK,” do të përballen në një ndeshje me shumë konkurrencë. /Kosovatimes/
