Policia e Kosovës ka bërë të ditur se një grabitje e armatosur ka ndodhur të mërkurën rreth orës 03:48 në rrugën “Isa Kastrati” në Prishtinë.
Viktima, sipas policisë, ka raportuar se dy persona të maskuar nën kërcënimin e armës i kanë grabitur para.
“Të dyshuarit pas kryerjes së veprës janë larguar me veturë nga vendi i ngjarjes. Lidhur me rastin janë ndërmarrë të gjitha veprimet e nevojshme për procedura të mëtejme hetimore”, thuhet në raportin e policisë.
