Kryetari i Prishtinës, Përparim Rama, ka njoftuar se më 1 tetor, tri Qendra të Mjekësisë Familjare në Prishtinë, do ta bëjnë mamografinë falas.
Rama tha se kjo është e rëndësishme në kuadër të kauzës për ndërgjegjësimin ndaj sëmundjes së kancerit të gjirit.
“Me 01 Tetor të gjithë duhet të vrapojmë për një kauzë shumë të rëndësishme, ndërgjegjësimin ndaj sëmundjes së kancerit të gjirit. Të nderuara, nëna, motra, gra bëni kontrolle në Qendrat tona të mjekësisë familjare, në tre QMF mund ta bëni mamografinë falas”, ka thënë ai. /Kosovatimes/
