Policia e Kosovës ka njoftuar për dy persona të zhdukur gjatë fundjavës së kaluar në Kosovë.
Policia ka njoftuar se një ditë më parë, në Gjilan është raportuar për zhdukjen e një personi, për të cilin nuk është bërë e ditur se kur është larguar nga shtëpia.
“Ankuesja femër kosovare ka informuar se viktima mashkull është larguar nga shtëpia dhe nuk është kthyer më. Lidhur me rastin janë ndërmarrë të gjitha veprimet e nevojshme për procedura të mëtejme hetimore”, ka njoftuar Policia.
Ndërkaq, rasti në Gjakovë është regjistruar të shtunën, ku një grua ka raportuar për largimin nga shtëpia të një burri, vendndodhja e të cilit nuk dihet.
Policia ka njoftuar se rasti është në procedurë hetimore.
