Mbrojtja ajrore ruse shkatërroi katër dronë ukrainas mbi pjesën veriperëndimore të Detit të Zi dhe Krimesë, dhe dronët u shkatërruan gjithashtu mbi Belgorod dhe Kursk, njoftoi sot Ministria ruse e Mbrojtjes.
Nuk ka raportime për viktima apo dëme, shkruan Reuters, duke shtuar se nuk mund të konfirmojë në mënyrë të pavarur raportet.
Ukraina nuk ka komentuar mbi sulmet. Për më tepër, Ministria ruse e Mbrojtjes njoftoi se katër dronë u shkatërruan mbi rajonet ruse të Kursk dhe Belgorod, të cilat kufizohen me Ukrainën.
Nuk ka viktima”, por ndërtesa administrative është dëmtuar, ka bërë të ditur guvernatori i Kurskut, Roman Starovojt , dhe ka pohuar se mbrojtja kundërajrore po funksionon mirë, raporton agjencia AFP.
Në rajonin fqinj të Bryansk, guvernatori Aleksandar Bogomaz raportoi se mbrojtja kundërajrore rrëzoi tre dronë ukrainas, të cilët nuk shkaktuan viktima apo dëme, shton AFP. Ministria ruse e Mbrojtjes raportoi për shkatërrimin e dy dronëve mbi Bryansk.
