Lira turke ra në nivelin më të ulët historik kundrejt dollarit amerikan dje.
Sipas të dhënave të bursës Forex, dollari shitej për 27.5 lira në orët e mëngjesit dhe pas orës 11:00 u forcua lehtë me 0.25 për qind në 27.25 lira, raportojnë agjencitë.
Në mbylljen e mëparshme të bursës, dollari kishte një vlerë prej 27.18 lirash.
Vitin e fundit, lira turke ka humbur 48 për qind të vlerës së saj ndaj dollarit.
Në qershor, Banka Qendrore Turke (TCMB) filloi një cikël të rritjes së normës së interesit referencë, nga 8.5 për qind në 15 për qind, për ta rritur atë në 17.5 për qind në korrik dhe në 25 për qind në gusht.
Më 21 shtator, TCMB rriti normën e interesit me 500 pikë bazë shtesë në 30 për qind.
