Ministria austriake e Drejtësisë konfirmoi se vrasësi i trefishtë Alen Rizvanoviç ka kryer vetëvrasje në burg, por nuk ka dashur të japë informacion shtesë. Kronen Zeitung shkruan se trupi i pajetë i 33-vjeçarit Rizvanoviq u gjet të shtunën në mëngjes në një qeli në burgun Stein.Më 20 qershor 2015, Rizvanoviç vrau tre dhe plagosi 36 persona me makinën e tij në një zonë për këmbësorë në Graz. Ka edhe video që tregojnë këmbësorët duke u përpjekur dëshpërimisht të shmangin goditjen nga një makinë. Pas fushatës së përgjakshme, Rizvanoviq ka dalë nga automjeti dhe ka filluar t’i sulmojë njerëzit dhe t’i kërcënojë me thikë, ndërsa policia e ka arrestuar menjëherë pas kësaj.
Sipas Index , menjëherë pas sulmit, policia përjashtoi terrorizmin si një motiv të mundshëm për sulmin dhe ia atribuoi atë sëmundjes mendore. Pavarësisht kësaj, u konstatua se nuk kishte arsye për vendosjen e tij në një institucion të specializuar, por ai u dërgua në burg. Rizvanoviq, i cili ishte një shofer profesionist, ishte i prirur ndaj dhunës në të kaluarën dhe pak para fushatës së përgjakshme, ai u dëbua nga shtëpia e familjes me ndalimin e hyrjes në familje.
Ai u gjykua për vrasje të trefishtë dhe tentativë vrasjeje të rreth 108 personave që ishin objektivi i tij në atë ditë fatale. Tre muaj pas sulmit, ai u dënua me burgim të përjetshëm. Meqë ra fjala, Rizvanoviq u shpërngul në Austri me prindërit e tij gjatë luftës në vitin 1993, në moshën katër vjeçare.
