Presidenti serb Aleksandar Vuçiq ka dalë mbrëmë i ftuar në RTS dhe portali Slobodna Bosna shkruan se “presidenti serb tronditi kombin”.
“Sa mund të na tregoni për organizimin e atyre njerëzve atje poshtë?” Kush i komandon këta njerëz? Ju i njihni ata njerëz atje poshtë”, pyeti prezantuesja e RTS, shkruan Bosna e lire.
“Si të mos e njoh Milan Radoiçiqin, si të mos e njoh”, është përgjigjur Vuçiq.
“Milan Radoiçiq është në komandë?”, pyeti pritësi.
Slobodna Bosna kujton se, edhe pse Vuçiq më herët pretendonte se nuk e njihte, Radoiçiq dilte rregullisht si mysafir në Kuvendin e Serbisë kur tema ishte situata në Kosovë.
Në fund të vitit 2021, Vuçiq mohoi lidhjet me Milan Radoiçiqin dhe Zvonko Veselinoviçin.
“Të them të drejtën, mendoj se Zvonko Veselinoviqin e kam parë dy herë në Kosovë dhe Metohi dhe gjithmonë kam folur publikisht për këtë, nuk mendoj se jemi dëgjuar ndonjëherë në jetë”. Unë as numrin e tij nuk e kam të futur në pajisjen time… Ndoshta ka pasur ndonjë kompani nëpër Kosovë dhe kam biseduar me dikë, pra ai ka qenë i pranishëm, por as këtë nuk e besoj. Me Milanin nuk mendoj se kam folur ndonjëherë në jetë, nuk kam biseduar nëse ai nuk ka qenë i pranishëm në takimet kur unë u përcjell mesazhe njerëzve nga Kosova dhe ku janë ulur përfaqësuesit e Listës Serbe, kështu që ata të gjithë më drejtohen mua. Jo ndryshe”, tha Vuçiq. Pastaj Vuçiq e ndryshoi pllaken dhe tha se ai “nuk është lule dhe akademik”, por se po lufton për vendin e tij dhe popullin e Kosovës, shkruan Bosna e Lire.
